Կոնտենտ մարքեթինգ

Ի՞նչ է կոնտենտ մարքեթինգը

Շատերի պնդմամբ ավանդական մարքեթինգը՝ համարվելով առավել նվազ արդյունավետ մեթոդ, հետզհետե զիջում է իր դիրքերը:

Ինչպե՞ս և ե՞րբ է առաջացել Կոնտենտ մարքեթինգը

Շատ քննարկումներ կան Կոնտենտ մարքեթինգի առաջացման և զարգացման հարցի շուրջ: Որոշ մասնագետներ պնդում են, որ Կոնտենտ մարքեթինգի նախադեպ են համարվում քարանձավային նկարները: Մյուսները ասում են, որ առաջին իրական զարգացումը սկսվել է Գուտենբերգի տպագրական մամուլի գյուտով, որը բրոշյուրների լայնորեն տարածմամբ կատալիզատորի դեր է կատարել ինֆորմացիայի տարածման համար: Այլոք պնդում են, որ Կոնտենտ մարքեթինգ իրականում չի եղել մինչև բովանդակության ինտերնետի միջոցով «ժողովրդավարացումը» զանգվածային հաղորդակցության տարածման միջոցով:

Իսկ գիտեի՞ք, որ...

Առաջին բլոգը ստեղծվել է 1994 թվականին, 1997թ.-ին դրանք կոչվեցին նաև Վեբ բլոգներ, իսկ 1999թ.-ից բառարաններում հայտնվեց «բլոգ» բառը:

---

Ընդհանուր սահմանմամբ Կոնտենտ մարքեթինգը՝

Կոնտենտ մարքեթինգը նպատակային լսարանի համար արժեքավոր և օգտակար ինֆորմացիայի ստեղծման և տարածման հետ կապված մարքեթինգային գործողություններն են, որոնք էլ նպատակաուղղված են գրավելու մարդկանց ուշադրությունը, ձեռք բերելու վստահություն և խթանելու կոմերցիան՝ զանգ, հարցում և այլն:

Կոնտենտ մարքեթինգը հնարավորություն է տալիս ստեղծելու ձեր բիզնեսի համար հեռանկարային և իրապես հավաստի և օգտակար կոնտենտ, որոնք հաճախորդների համար ուղենշում են լուծումներ առօրյա խնդիրներին:

Այսօր Կոնտենտ մարքեթինգն օգտագործում են մարքեթոլոգների գերակշիռ մասը: Այն մարքեթինգային կարևոր գործիք է համարվում մի շարք համաշխարհային ընկերությունների համար, ինչպիսիք են՝ P&G, Microsoft, Cisco Systems, and John Deere և այլն: Միևնույն ժամանակ Կոնտենտ մարքեթինգն օգտագործում են փոքր բիզնեսների, անհատական ինտերնետ խանութների զարգացման և ճանաչման համար:

---

3 պատճառ, թե ինչու են ընկերություններն օգտվում Կոնտենտ մարքեթինգից՝

• Վաճառքների աճ

• Ծախսերի խնայում - Բրենդի առաջխաղացման համար այն պահանջվում է ավելի քիչ բյուջե, քան գովազդի ավանդական միջոցների դեպքում:

• Հաճախորդների գիտակցված կողմնորոշում – Չկա ստիպողական կամ մանիպուլյացիոն որևէ արարք, քանի որ հաճախորդն է հետաքրքրվում ավելին իմանալու համար: Այսպես ավելի ամուր է դառնում ձեր բրենդի հեղինակության հիմքերը՝ հնարավորություն ընձեռնելով ձեզ հաճախորդներին ներկայանալ ձեր փորձառնությամբ:

---

Մարքեթինգ + հզոր Կոնտենտ

Անկախ այն բանից, թե ինչ մարքեթինգային ռազմավարություն եք կիրառում Կոնտենտ մարքեթինգը պետք է լինի ընթացքի մաս: Որակյալ Կոնտենտը կարող է համադրվել մարքեթինգի բոլոր ձևերին՝ պահպանելով իր հիմնական սկզբունքը՝ ՈՐԱԿՅԱԼ ԵՎ ՕԳՏԱԿԱՐ ԻՆՖՈՐՄԱՑԻԱՅԻ տարածումը:

• Սոց. մեդիա մարքեթինգ-Կոնտենտ մարքեթինգի ռազմավարությունը հաջորդում է սոց. մեդիա մարքեթինգի ռազմավարությանը:

• SEO – Որոնողական համակարգերում ավելի բարձր դիրք են զբաղեցնում որակյալ և համապատասխան կոնտենտով ներկայացվող բրենդերը:

• PR – Հաջող PR ռազմավարությունը, ցույց է տալիս, որ բիզնեսից ավելի եք գնահատում հաճախորդներին:

• PPC (pay per click) – Այս հնարավորությամբ բարձր արդյունավետություն ստանալու համար մեծ է օգտագործվող կոնտենտի նշանակությունը:

• Inbound marketing – Այս դեպքում կոնտենտը նպաստում է տրաֆիկի ավելացմանը:

• Կոնտենտ ռազմավարություն – Այն մաս է համարվում կոնտենտ մարքեթինգի ռազմավարության:

Կոնտենտ մարքեթինգը կառուցում է վստահություն, հեղինակություն բարձրացնում ճանաչելիությունը: Սրանք, հենց այն հիմնական գործոններն են, որոնք հաճախորդների մոտ վստահություն են առաջացնում:

Առավել հաճախ Կոնտենտը մատնանշում է ինչ-որ խնդրի լուծում, ներկայացնում տվյալ արանքի կամ ծառայության առավելությունների նկարագրությունը, ինչը դարձնում է Կոնտենտ մարքեթինգն առաջատար թվային տիրույթում:

---

Ինչո՞ւ Կոնտենտ մարքեթինգ

Պատասխանը շատ պարզ է, որովհետև այն աշխատում է և ի տարբերություն գովազդի այն կապ է ստեղծում հաճախորդի և ընկերության միջև, այն օգնում է գտնել ինֆորմացիա, որի կարիքը հաճախորդն իսկապես ունի: Մինչդեռ, գովազդային հաղորդագրությունները բավականին ժամանակ են տանում:

Կոնտենտ մարքեթինգը հետաքրքիր և օգտակար պատմության շնորհիվ ստեղծում է վստահելի կապ բրենդի և հաճախորդի միջև՝ խթանում վաճառքները:

---

Կոնտենտ մարքեթինգի մի քանի կարևոր հնարք Սեյջից

Առաջին.

Անչափ կարևոր է հաշվի առնել, որ բացի հետաքրքիր և օգտակար ինֆորմացիայի ստեղծման շարունակական գործընթացից, այն հարկավոր է մշտապես թարմացնել և համալրել:

Բովանդակության ֆորմատները տարբեր են՝

• Հոդվածներ,

• Հարցազրույցներ,

• Նորություններ,

• Մասնագիտական վերլուծություններ,

• Ֆոտոնյութեր,

• Տեսանյութեր,

• Ինֆոգրաֆիկա,

• Վեբինարներ,

• Թեմատիկ վերլուծություններ,

• Սոց. հարցումների արդյունքներ,

• Այլ:

Երկրորդ.

Ինֆորմացիայի տարածման համար ընտրեք փորձված հարթակներ, մշակե՛ք մանրակրկիտ ռազմավարություն:

• Սոցիալական ցանցեր,

• Բլոգի վարում,

• Էլ. փոստ մարքեթինգ,

• Թեմատիկ այլ կայքեր, խմբեր:

Այս տարվա Կոնտենտ մարքեթինգի առցանց լավագույն դասընթացները՝

1. Content Marketing Courses Online – Free (LinkedIn Learning – Lynda)

2. Content Writing Courses & Classes Online – Free (LinkedIn Learning – Lynda)

3. Content Marketing – Certification Course by University of California (Coursera)

4. Ninja Writing: The Four Levels Of Writing Mastery (Udemy)

5. Writing Tools & Hacks: Copywriting/ Blogging/ Content Writing (Udemy)

6. Complete Web Content Writing Masterclass (Udemy)

7. Content Strategy Certification by Northwestern University (Coursera)

8. Effective Content Writing for SEO – How to Write Great Web Content – Better Search Rankings

9. Free Writing Courses & Classes Online (Skillshare)

10. Writing With Flair: How To Become An Exceptional Writer

---

Հետևե՛ք, աշխարհի լավագույն Կոնտենտ մարքեթինգի մասնագետներին, իմացե՛ք նրանց հաջողության պատմությունը, վերցրե՛ք օրինակներ:

1. Էն Հանդլի

Էնն աշխարհում առաջին գլխավոր Կոնտենտ մարքեթինգի գործակալն է: Նրա տեսակետն ու մեթոդները, թե ինչպես է մարքեթինգն առաջ մղում բիզնեսը, լայնորեն ողջունվեցին ամբողջ աշխարհում: Նա համարվում է աշխարհի 20 լավագույն բլոգերներից մեկը, ինչպես նաև որպես ոլորտի ամենաազդեցիկ կանանցից մեկը:

Կարող եք կապվել Twitter- ի, LinkedIn- ի և Facebook- ի միջոցով:

2. Ջեֆ Բուլաս

Ջեֆը թվային մարքեթինգային արդյունաբերության կենդանի լեգենդ է և բովանդակության լավագույն լավագույն մասնագետներից մեկը:

Նրա բլոգը, ըստ մարքեթոլոգների, լավագույն հարթակներից մեկն է` բովանդակության, սոցիալական մեդիայի և թվային մարքեթինգի մասին:

Կարող եք կապվել Twitter- ի, LinkedIn- ի և Facebook- ի միջոցով:

3. Գերրի Մորան

Գերրին շուկայավարման հրաշագործ է, ով գիտի, թե ինչպես ստեղծագործել, քանի որ նրա մեթոդներն իրականում շատ արդյունավետ են:

Ունենալով ավելի քան 30 տարվա փորձ, Գերին ապացուցեց իր հմտությունը և փորձառնությունն այս ոլորտում՝ հաջողությամբ օգնելով մարդկանց և բիզնեսին սոցիալական մեդիայի, սոցիալական վաճառքի և թվային մարքեթինգի ռազմավարության մեջ:

Կարող եք կապվել Twitter- ի, LinkedIn- ի միջոցով:

4. Ջո Պուլիզզի

Ջո-ն «Կոնտենտ մարքեթինգի ինստիտուտ» խորագրով կոնտենտ մարքեթինգի ամենամեծ պլատֆորմի հիմնադիրն է:

Բացի այդ, լինելով լավագույն կոնտենտ մարքեթինգի փորձագետներից մեկը՝ նա գրքերի հեղինակ է և խոսնակ:

Ջո-ն իր հմտությունները նվիրել է ամբողջ աշխարհում բիզնեսին ՝ շահույթ ստանալու համար ՝ ստեղծելով բացառիկ և արժեքավոր բովանդակություն:

Կարող եք կապվել Twitter- ի, LinkedIn- ի և Facebook- ի միջոցով:

5. Ջեյ Բայեր

Լինելով բազմամիլիոնանոց 5 ընկերությունների ստեղծող ՝ Ջեյը աշխարհում ամենաշատ ռե-թվիթ ունեցողն է:

Նա ամենաշատ է ստացել ռե-թվիթ այլ հեղինակների, թվային մարքեթոլոգների, խոսնակների, ներդրողների և podcast-երների շարքում:

Նյու Յորք Թայմսում նա ունի անվանանական չորս բեսթսելլեր:

1994 թվականից ի վեր Ջեյը խորհրդատվություն է տրամադրել ավելի քան 700 ընկերությունների, որոնցից 31-ը ընդգրկված է «500 Հաջողած» ընկերությունների ցուցակում:

Նա Convince & Convert-ի հիմնադիրն է, որն աշխարհում ամենաարդիական թվային մարքեթինգային ընկերություններից մեկն է:

Կարող եք կապվել Twitter- ի, LinkedIn- ի և Facebook- ի միջոցով:

---

Անչափ կարևոր է, նախապես պլանավորված և պատրաստի կոնտենտ ունենալը, կոնտենտ օրացույցի վարումը: Իսկ հետագա ռազմավարությունը մշակելիս վերլուծեք կատարած աշխատանքը՝ հասկանալու, թե կոնտենտի որ տեսակը որ հարթակներում կամ որ լսարանի համար է առավել արդյունավետ: